Durante estas últimas semanas, como ben sabedes, fixemos unha paradiña en Xapón. Aquí vos amosamos algunha imaxe que ilustra o noso paso por tan fermoso lugar.
Presentamos os materiais que trouxemos da casa.
Mirade o ben que quedou todo exposto!
Intentamos comer con palillos ...
E conseguímolo!!!
Xogos e puzzles ...
Recibimos a visita dos/as compis para ver a nosa exposición de materiais. Explicámoslles todo con moita ilusión.
Unha das cousas que máis nos gustou foi...
Ademais de todo isto, tivemos a sorte de contar cun colaborador moi especial.
Visitounos Benjamín, o pai de Noé, para compartir con nós todo o que sabe sobre a cociña xaponesa.
Pouco a pouco, imos afacéndonos ás rutinas da nosa aula coas que aprendemos , case sen querer, un montón de cousas novas.
Pero, ademais, estes últimos días, tivemos tempo de facer outras actividades coas que desfrutamos moito.
Queremos compartilas con vós.
Cos produtos de outono que trouxeron as familias pasámolo en grande.
E non só iso, senón que foron unha enorme fonte de aprendizaxes.
Entre outras cousas, traballamos lóxica-matemática observando
as cores das follas, o seu tamaño, clasificando, comparando...
Xa comprobamos que os ourizos pinchan moito, así que intentamos abrilos cos pés (calzados!)...
Foi divertido ver saír as castañas!
E mirade o que se nos ocurriu... se poñemos as follas na cabeza...parecemos o cadro de Arcimboldo!!! Xenial descubrimento!
Grazas, familias, pola vosa colaboración! O millo tamén nos serviu para traballar con letras e números de xeito contextualizado e significativo: as letras para buscar cales son as da palabra MILLO, e os números para secuenciar o proceso de elaboración do pan.
Os nenos e nenas da Aula dos Círculos precisamos unha axudiña.
Hoxe atopamos unha cousa na nosa caixa das sorpresas...
Chegamos á conclusión de que é un "cadro" ou "unha foto" ...mais non sabemos quen o pintou... "Un pintor de lonxe" dixo Nerea, pero queremos saber máis.
Tivemos un luns ben atarefado. Mirade o que nos trouxeron á aula.
MILLO!!
Case todos e todas o coñeciamos de sobra, pero encantounos xogar coas mazarocas, coas follas, cos grans e con estas enormes espigas...
Ademais , descubrimos outras cousiñas sobre o millo: que se esfolla, que se debulla, que se moe, que se peneira...
Primeiro, vímolo en fotos...
E, despois, fixémolo nós!
Con todo isto seica se pode facer un pan de millo... delicioso! Así o di a canción de Migallas que escoitamos e cantamos.
Achegámonos á nosa contorna natural e sociocultural, puxemos en marcha os nosos sentidos, coñecemos as partes desta planta, contamos, clasificamos... e , sobre todo, pasámolo pipa!!
Grazas aos compis da Aula dos Triángulos por deixarnos as espigas e á profe Alba por traernos os utensilios!!